2007 年 五 月

第 357 期

專 題 安老服務消息 眾言堂 生活小品 松柏延年 綜 合 

    今 個 春 天 忽 冷 忽 熱 , 好 古 怪 , 上 個 月 阿 女 帶 埋 乖 孫 一 齊 去 花 展 , 落 雨 陰 陰 凍 , 居 然 重 凍 過 行 花 市 。 到 清 明 又 係 陰 天 毛 毛 雨 , 十 足 細 個 時 讀 既 詩 : 清 明 時 節 雨 紛 紛 。

    春 天 賞 花 就 最 開 心 , 花 展 擺 好 多 唔 同 種 類 既 花 , 古 靈 精 怪 既 插 花 藝 術 唔 識 欣 賞 , 大 大 隻 用 花 砌 成 既 蝴 蝶 、 蜜 蜂 、 甲 蟲 、 螳 螂 就 好 趣 怪 , 重 會 識 得 郁 添 。 乖 孫 睇 到 唔 肯 走 , 一 場 雨 淋 過 黎 , 企 係 個 彩 虹 拱 門 避 雨 岩 好 。 臨 走 重 買 左 盆 蘭 花 , 認 真 抵 又 襟 擺 , 睇 見 都 開 心 。

    行 出 黎 行 冇 耐 見 到 木 棉 , 貪 得 意 執 左 幾 朵 畀 乖 孫 , 一 時 興 起 仲 當 毽 踢 添 , 阿 女 係 隔 離 猛 咁 笑 , 乖 孫 唔 識 踢 , 剩 係 識 搵 隻 手 黎 搶 , 老 公 就 擰 擰 頭 , 好 似 話 我 為 老 不 尊 咁 話 , 我 梗 係 唔 理 佢 喇 , 重 專 心 同 個 孫 玩 囉 !

    講 到 為 老 不 尊 , 夠 好 多 人 話 小 甜 甜 幾 十 歲 人 梳 辮 仔 扮 細 唔 岩 啦 , 但 係 我 就 最 佩 服 佢 夠 勇 氣 。 最 緊 要 係 自 己 開 心 , 有 乜 岩 與 唔 岩 呢 ? 唔 通 人 老 左 就 要 整 到 自 己 醜 樣 同 苦 口 苦 面 至 岩 咩 ? 我 阿 珍 雖 然 懶 扮 靚 , 都 唔 會 特 登 煉 黑 墨 墨 既 衫 著 架 , 總 之 心 境 係 由 自 己 創 造 既 , 自 己 唔 覺 得 老 就 得 既 。 好 似 小 甜 甜 咁 , 留 低 畀 人 地 既 印 象 重 係 活 潑 可 愛 咁 咪 幾 好 ? 就 好 似 木 棉 落 花 都 係 咁 燦 爛 呀 !

珍   嬸

 

 


回到主頁 回到前一頁