第 354 期

　 　 細 個 之 時 最 興 講 新 年 志 願 ， 早 幾 年 我 都 試 過 明 示 老 公 ， 新 年 就 要 立 志 願 戒 煙 。 佢 ^口既 標 準 答 案 就 是 ： 你 嫁 我 之 時 ， 都 知 我 食 煙 ^口架 啦 。 之 後 梗 係 冇 得 再 講 啦 。

　 　 不 過 今 年 就 唔 同 ^口勒 ， 未 到 一 月 一 號 佢 已 經 若 有 所 思 ， 做 老 婆 ^口既 我 好 識 做 ^口既 ， 冇 理 由 多 口 刺 激 佢 ^口架 。 佢 日 日 鍾 意 去 茶 餐 廳 ， 嘆 完 奶 茶 蛋 治 兼 食 煙 至 返 工 ， 從 此 奶 茶 蛋 治 重 有 得 食 ， 煙 仔 就 冇 得 傾 ， 梗 會 周 身 唔 聚 財 啦 。 我 就 即 管 睇 ^口下 佢 點 囉 。 正 一 話 自 己 管 唔 掂 自 己 要 政 府 ^口黎 管 ， 都 係 為 佢 好 ^口者 ， 佢 份 人 最 怕 見 官 府 ， 梗 係 唔 會 犯 法 啦 ， 最 多 絲 絲 縮 縮 係 樓 梯 底 食 ^口既 ^口者 。 咁 或 多 或 少 就 食 少 好 多 ^口勒 ， 唔 使 我 啦 ， 幾 好 ！

　 　 哈 ， 原 來 香 港 好 多 人 同 我 阿 珍 一 樣 ， 咁 留 意 呢 條 禁 煙 法 例 ， 日 日 報 紙 都 係 度 數 ， 今 日 第 幾 日 ， 重 未 有 人 畀 人 告 。 哈 ， 唔 知 係 未 係 記 者 妹 平 時 受 得 煙 民 氣 多 ， 等 住 睇 佢 地 衰 呢 ？ 卒 之 第 一 個 畀 人 告 ^口既 係 ， 個 魚 販 人 贓 並 獲 ， 又 冇 得 溜 ^口左 去 。 做 ^口左 明 星 上 電 視 添 ， 睇 怕 佢 日 後 都 唔 夠 膽 開 工 食 煙 。

　 　 唉 ， 講 起 開 工 食 煙 ， 我 又 諗 起 我 ^口地 董 伯 伯 個 死 鬼 老 豆 ， 當 年 佢 架 巨 型 大 船 乜 ^口野 海 上 學 府 都 係 因 為 裝 修 佬 食 煙 搞 到 沖 天 大 火 災 燒 到 渣 都 冇 。 煙 仔 害 人 害 物 ， 真 係 數 之 不 盡 ， 但 願 老 公 豬 年 乖 豬 戒 甩 佢 就 好 囉 。

◆ 珍 　 嬸