第 344 期

　 　 今 年 都 真 離 奇 ， 過 年 就 熱 到 死 ， 拜 年 搞 到 一 身 汗 ， 到 三 月 又 忽 然 翻 頭 凍 ， 搞 到 又 要 再 著 厚 衫 ， 重 要 出 寒 冷 警 告 添 ， 笑 死 人 ！

　 　 阿 女 照 例 約 我 同 乖 孫 一 齊 去 睇 花 展 ， 好 開 心 。 不 過 其 實 沿 途 睇 木 棉 同 洋 紫 荊 已 經 好 好 睇 ， 又 有 大 紅 又 有 粉 紅 ， 襯 住 濛 濛 天 特 別 靚 。

　 　 我 好 鍾 意 木 棉 ^口既 ， 大 大 朵 花 細 個 之 時 專 去 執 ^口黎 當 毽 踢 ， 花 瓣 好 厚 拿 上 手 好 有 份 量 。 木 棉 樹 又 高 大 威 猛 ， 老 師 話 佢 地 一 定 要 高 過 隔 離 ， 所 以 叫 做 英 雄 樹 ， 今 年 我 見 木 棉 開 得 零 舍 多 ， 唔 知 係 未 係 春 天 凍 一 凍 佢 又 特 別 開 心 呢 ？

　 　 咁 一 個 禮 拜 去 銅 鑼 灣 下 一 個 禮 拜 又 去 ， 乖 孫 係 中 央 圖 書 館 借 書 又 借 玩 具 不 知 咁 開 心 ， 我 以 前 都 去 過 參 觀 。 今 次 阿 女 同 乖 孫 玩 我 又 蕩 開 一 陣 ， 蝦 ， 原 來 樓 下 有 展 覽 睇 ， 又 有 畫 展 ， 又 有 相 片 展 。

　 　 我 冇 乜 所 謂 ， 有 乜 睇 也 ， 不 過 相 片 原 來 係 老 人 做 主 題 ， 好 好 睇 ， 最 特 別 係 好 多 幅 映 老 人 又 跳 舞 又 比 賽 又 運 動 ， 連 扯 大 纜 都 有 ， 幅 幅 都 係 笑 ^口既 多 ， 咁 同 孫 一 齊 ^口既 就 笑 得 寧 舍 開 心 ， 真 係 睇 到 自 己 都 閞 心 。 實 在 ^口岩 ^口既 ， 多 點 出 街 睇 多 點 開 心 ^口既 事 情 就 自 不 然 自 己 都 開 心 點 ， 今 年 真 好 ， 一 於 由 春 天 笑 到 冬 天 。

◆ 珍 　 嬸