第 318 期

　     我 記 得 以 前 阿 媽 話 ： 年 年 難 過 年 年 過 。 呢 二 ○ ○ 三 夠 晒 難 捱 啦 ， 咁 又 過 左  。 回 頭 望 原 來 最 衰 之 時 就 是 好 的 開 始 ， 眼 見 股 巿 日 日 向 上 ， 失 業 率 繼 續 跌 ， 又 愈 來 愈 塞 車 ， 就 一 天 都 光 晒 。 個 個 都 話 羊 年 唔 好 ， 或 者 太 良 善 被 人 欺 負 ， 馬 騮 生 猛 又 古 惑 就 實 好 了 。

　 　 之 不 過 就 未 見 到 病 毒 乖 乖 地 人 間 蒸 發 。 新 加 坡 同 台 灣 的 實 驗 室 個 案 算 是 虛 驚 ， 廣 州 的 沙 士 就 冇 花 冇 假 ， 唔 威 脅 個 夠 都 唔 識 死 ， 跟 住 又 話 禽 流 感 返 來 ， 還 未 計 早 兩 個 月 那 些 諾 沃 克 ， 還 有 福 建 型 流 感 同 登 革 熱 。

　 　 一 時 話 動 物 基 因 ， 一 時 話 人 類 基 因 ， 我 阿 珍 聽 來 聽 去 剩 係 聽 明 一 句 ， 病 毒 會 得 變 ， 犀 利 過 百 變 梅 艷 芳 ， 同 埋 病 毒 好 難 醫 ， 以 前 講 到 抗 生 素 好 巴 閉 ， 一 有 咳 同 發 燒 就 話 出 「 特 效 藥 」 、 「 消 炎 藥 」 ， 點 知 原 來 病 毒 就 唔 得 ， 所 以 醫 沙 士 要 用 類 固 醇 ， 搞 到 多 多 副 作 用 ， 頭 都 大 。 證 明 病 毒 比 細 菌 惡 搞 。 愛 滋 病 都 係 病 毒 啦 。

　 　 我 阿 珍 以 前 都 冇 咁 緊 張 ， 今 年 聽 埋 聽 埋 卒 之 都 去 了 打 感 冒 針 。 雖 然 話 唔 防 沙 士 ， 打 了 都 安 心 些 。 阿 女 話 政 府 都 呼 籲 盡 量 打 ， 我 見 又 唔 算 貴 ， 一 年 一 次 無 所 謂 啦 ， 免 得 一 發 燒 連 想 返 鄉 下 都 唔 得 。 若 果 咳 就 搭 車 都 鬼 咁 唔 好 意 思 。

　 　 不 過 香 港 人 都 算 公 德 心 好 ， 久 不 久 都 見 有 人 戴 口 罩 。 實 在 有 菌 就 封 咀 係 好  ， 之 不 過 專 家 話 洗 手 更 重 要 。 我 都 信 ， 好 似 搭 車 那 些 扶 手 ， 你 又 摸 我 又 摸 ， 都 不 知 摸 了 什 麼 回 來 ， 又 冇 得 唔 摸 。

　 　 政 府 教 人 未 洗 手 之 前 千 祈 唔 好 摸 自 己 眼 口 鼻 ， 就 好 似 食 飯 前 要 先 洗 手 一 樣 。 古 老 人 話 ： 病 從 口 入 ， 原 來 食 落 肚 之 外 ， 菌 還 可 以 摸 回 來 。 唉 ， 打 麻 雀 自 摸 爆 棚 就 話 好 ， 自 摸 些 病 毒 回 來 就 咪 拘 了 。 一 於 扭 耳 仔 記 住 ， 預 防 措 施 除 了 均 衡 飲 食 ， 經 常 運 動 ， 空 氣 流 通 ， 不 吸 煙 之 外 還 有 勤 洗 手 ， 少 握 手 ， 不 多 手 ！

◆ 珍 　 嬸