我 阿 珍 讀 過 番 書 ， 一 向 不 拜 神 ， 去 黃 大 仙 爭 頭 簽 當 然 沒 我 的 份 ， 局 長 求 得 支 下 簽 亦 沒 什 麼 大 不 了 ， 之 不 過 美 國 架 穿 梭 機 在 上 空 忽 然 出 事 ， 我 就 覺 得 邪 。
老 公 話 我 心 裡 不 舒 服 是 因 為 是 大 年 初 一 ， 人 家 美 國 講 西 曆 ， 架 機 太 古 老 。 我 說 是 天 譴 呀 ， 喊 打 喊 殺 要 打 仗 ， 未 打 得 成 就 先 死 人 了 。
講 真 最 怕 打 仗 。 那 天 阿 女 拉 我 去 博 物 館 看 「 戰 爭 與 和 平 」 ， 二 千 年 前 的 公 仔 都 一 樣 啦 ， 兵 車 俑 木 口 木 面 ， 太 平 盛 世 的 就 笑 口 噬 噬 。 未 捱 過 走 難 的 不 會 明 白 打 仗 可 怕 。
打 日 本 的 日 子 唔 在 講 ， 暴 動 那 幾 年 就 夠 慘 啦 ， 出 街 怕 菠 蘿 ， 心 驚 肉 跳 ， 一 時 又 怕 冇 得 食 ， 要 搶 購 。 都 是 風 吹 草 動 呀 ， 所 以 莫 取 笑 人 煲 醋 防 肺 炎 ， 實 在 人 人 都 怕 生 化 武 器 ， 忽 然 又 話 要 種 番 痘 。 唉 ， 辛 辛 苦 苦 將 天 花 消 滅 ， 未 夠 幾 十 年 又 從 頭 來 過 ， 真 教 人 灰 心 呀 。
阿 女 說 新 正 頭 莫 悲 觀 呀 ， 人 生 總 有 希 望 。 我 想 國 與 國 打 仗 ， 都 是 積 累 恩 怨 ， 人 家 說 候 賽 因 想 謀 害 老 布 殊 ， 所 以 小 布 殊 非 打 他 不 可 ， 十 足 武 俠 小 說 情 節 。 但 報 紙 亦 見 過 因 懷 恨 落 老 鼠 藥 害 死 幾 十 人 的 的 事 件 。 夫 妻 不 和 都 把 丈 夫 斬 到 一 碌 碌 啦 。 戾 氣 重 始 終 引 殺 機 。
所 以 真 要 學 以 前 嬉 皮 士 高 唱 ， 要 愛 ， 要 和 平 。 為 什 麼 一 定 要 你 死 我 亡 呢 ？ 世 界 這 麼 美 好 ， 可 以 一 齊 共 享 ， 爭 拗 可 以 慢 慢 討 論 ， 仇 恨 切 勿 加 深 。 報 復 只 會 再 招 報 復 ， 結 果 同 歸 於 盡 ， 還 殃 及 池 魚 。
阿 女 笑 我 憂 國 憂 民 變 杜 甫 了 。 我 說 國 也 好 ， 家 也 好 ， 都 是 和 睦 惟 尚 呀 。 我 有 個 姊 妹 一 世 人 同 老 公 嘈 ， 一 日 到 黑 家 嘈 屋 閉 ， 到 仔 女 出 身 個 個 都 搬 出 去 住 ， 又 好 少 來 探 ， 皆 因 冇 乜 家 庭 溫 暖 ， 所 以 多 爭 吵 一 定 唔
著 。
老 公 听 我 多 多 理 論 ， 忽 然 走 來 叫 聲 ： 打 鈴 ， 我 愛 你 呀 ， 嚇 到 我 連 隨 啋 ！ 幾 十 歲 ， 咪 唔 正 經 ！
◆
珍 嬸 
|
