第 三 零 一 期 二 零 零 二 年 九 月
專題安老服務消息眾言堂 生活小品松柏延年綜合

          古 老 人 教 落 , 農 曆 七 月 就 要 小 心 點 , 因 為 鬼 門 關 大 開 , 好 多 要 搵 替 身 的 無 主 孤 魂 到 處 蕩 喎 。 我 就 不 很 信 。 不 過 做 人 係 應 該 積 陰 德 , 對 人 好 就 自 己 都 好 , 一 定 要 問 心 無 愧 。

    今 天 聽 見 沙 灘 有 兩 個 人 淹 死 , 就 覺 得 好 凄 涼 。 嬉 山 莫 嬉 水 嘛 , 又 打 緊 風 , 各 個 沙 灘 風 大 浪 大 勿 游 水 啦 , 浪 大 起 來 船 都 翻 , 點 可 以 輕 視 ? 我 記 得 幾 年 前 打 緊 風 又 係 後 生 仔 坐 岸 邊 以 為 好 刺 激 , 點 知 被 大 浪 捲 走 , 那 次 救 人 不 遂 入 鬼 門 關 的 還 是 個 洋 人 。

    所 以 我 時 常 同 細 仔 講 : 做 甚 麼 都 不 可 以 只 顧 自 己 開 心 , 要 考 慮 安 全 , 自 作 孽 已 經 夠 壞 , 害 到 他 人 就 真 正 對 唔 住 人 地 全 家 了 。

    講 起 累 死 人 地 事 , 我 就 想 起 二 手 煙 了 。 那 天 阿 女 恐 嚇 我 話 聞 得 二 手 煙 多 會 生 肺 癌 , 都 不 知 是 真 是 假 。 老 公 大 大 話 話 食 左 三 十 幾 年 煙 仔 , 我 都 陪 他 食 左 近 三 十 年 , 究 竟 邊 個 生 肺 癌 先 都 難 講 。 人 地 話 先 過 老 公 死 有 福 , 不 用 服 待 病 人 , 我 則 寧 願 長 命 , 做 人 咁 多 姿 多 采 , 點 解 要 望 短 命 ?

    報 紙 賣 有 個 百 幾 歲 阿 婆 又 煙 又 酒 , 科 學 家 話 遺 傳 喎 。 老 公 即 刻 話 證 明 食 煙 唔 怕 。 我 都 冇 佢 修 。 後 尾 阿 女 話 : 人 地 話 長 命 係 遺 傳 , 冇 話 到 短 命 都 係 遺 傳 ! 講 真 , 我 老 爺 雖 然 話 有 七 十 歲 命 , 但 係 臨 老 個 幾 年 成 日 扯 蝦 , 行 步 路 都 氣 促 , 醫 生 都 話 係 食 得 煙 多 之 過 。 唉 , 而 且 睇 見 阿 女 個 大 伯 生 哥 至 五 十 出 頭 , 忽 然 心 臟 病 話 走 就 走 , 都 咪 話 唔 驚 。

    所 以 遺 傳 邊 度 有 得 恃 ? 都 要 講 自 己 修 行 。 好 在 老 公 都 生 性 , 愈 食 愈 少 。 同 埋 行 開 冇 人 地 方 至 食 , 佢 話 免 人 討 厭 , 我 就 讚 佢 積 陰 德 , 不 累 街 坊 了 。


珍   嬸

 

 


回到主頁 目錄 回到前一頁