2007 年 九 月

第 361 期

專 題 安老服務消息 眾言堂 生活小品 松柏延年 綜 合 

    舊 年 冬 天 反 常 完 全 冇 凍 過 , 都 已 經 知 道 今 年 夏 天 實 會 熱 , 果 然 連 續 兩 個 禮 拜 熱 辣 辣 , 夜 晚 都 三 十 幾 度 , 天 文 台 連 隨 出 酷 熱 警 告 出 個 唔 停 , 出 遲 點 都 畀 人 鬧 嘛 !

    家 的 人 肝 火 燥 , 郁 的 就 鬧 。 咁 熱 , 更 加 興 恰 恰 , 後 生 仔 要 生 要 死 ! 一 哭 二 餓 三 上 吊 睡 碼 頭 , 揸 鐵 既 就 更 加 日 光 日 白 睡 路 中 心 。 總 之 有 乜 想 要 就 去 到 盡 , 冇 得 傾 , 又 多 多 嬲 怒 。 見 到 個 藍 天 都 唔 識 笑 , 一 味 火 爆 , 熱 辣 辣 !

    唉 , 講 熱 我 地 婦 道 人 家 就 最 知 啦 , 當 年 陀 住 細 仔 成 個 夏 天 , 過 埋 個 閏 八 月 中 秋 至 肯 出 世 , 好 在 生 得 快 , 不 過 都 身 水 身 汗 , 所 以 抖 順 條 氣 就 即 刻 走 去 沖 涼 , 第 二 日 重 靜 靜 雞 洗 埋 頭 。 不 過 大 肚 婆 熱 極 都 係 一 年 , 收 經 之 時 就 熱 足 三 年 。 又 唔 係 成 日 熱 , 硬 係 失 惊 無 神 就 成 身 發 滾 , 一 身 大 汗 , 有 時 重 會 心 火 盛 , 鬼 咁 「 憫 憎 」 添 。 不 過 又 唔 會 亂 發 脾 氣 既 , 即 刻 去 搵 把 扇 來 撥 下 , 陣 熱 氣 過 左 就 冇 事 囉 。

    實 情 天 要 熱 人 要 熱 都 冇 辦 法 , 以 前 阿 媽 教 話 心 靜 自 然 涼 , 學 下 修 養 咪 好 囉 。 我 見 九 龍 皇 帝 大 半 世 人 都 要 揸 枴 杖 行 路 , 但 又 一 樣 自 得 其 樂 , 冇 得 做 真 皇 帝 都 寫 番 夠 本 , 日 日 寫 , 天 天 寫 , 有 大 把 人 欣 賞 添 。 蝦 , 書 法 真 係 我 地 中 國 偉 大 傳 統 。 揸 下 毛 筆 , 寫 下 字 , 真 係 修 養 好 的 命 又 長 架 !

珍   嬸

 

 


回到主頁 回到前一頁