2007 年 八 月

第 360 期

專 題 安老服務消息 眾言堂 生活小品 松柏延年 綜 合 

    人 有 十 隻 手 指 , 數 目 字 有 十 個 ; 逢 十 進 一 所 以 慶 祝 十 週 年 就 最 高 興 。 上 次 陪 乖 孫 睇 完 恐 龍 , 跟 住 阿 女 話 重 有 好 多 國 寶 黎 香 港 , 果 然 冇 幾 耐 就 聽 見 有 大 熊 貓 , 未 使 去 睇 真 動 物 , 剩 係 睇 電 視 已 經 好 得 意 , 因 為 兩 個 係 細 蚊 仔 , 所 以 零 舍 活 躍 。 最 好 笑 係 成 日 見 個 女 仔 撩 男 仔 而 唔 係 男 仔 做 主 動 。 蝦 ! 所 以 話 廿 一 世 紀 女 仔 威 晒 係 冇 錯 既 。

    熱 辣 辣 梗 係 唔 好 趕 住 去 睇 熊 貓 啦 , 露 天 排 隊 咪 制 ! 而 且 佢 地 都 住 落 左 咯 。 咁 就 去 睇 第 二 樣 國 寶 啦 。 重 威 , 叫 做 國 之 重 寶 , 一 幅 二 幅 書 法 絹 畫 本 來 都 好 輕 , 不 過 買 重 保 險 。 咁 我 上 次 橫 掂 買 左 張 博 物 館 通 行 證 今 次 咪 去 湊 熱 鬧 啦 , 其 實 咁 文 化 野 , 邊 度 識 x 。 但 係 難 得 黎 到 香 港 , 冇 理 由 唔 去 開 下  眼 界 架 。

    真 係 冇 黎 錯 , 剩 係 見 識 下  排 隊 入 場 既 安 排 已 經 好 好 睇 。 冇 證 既 就 排 隊 買 飛 , 有 證 既 就 v 籌 , 即 係 好 似 睇 街 症 咁 啦 。 限 時 限 刻 入 到 去 重 要 再 輪 。 咁 又 有 好 多 放 大 既 圖 貼 係 處 可 以 睇 熟 左 先 。

    到 真 係 輪 到 埋 去 個 玻 璃 櫃 又 真 係 好 好 , 完 全 冇 反 光 , 幅 畫 其 實 在 冇 幾 大 , 個 個 人 仔 都 係 丁 咁 大 , 但 係 不 知 咁 精 細 , 不 愧 為 國 寶 。 不 過 每 人 限 睇 五 分 鐘 咋 ! 一 陣 間 已 經 畀 人 叮 走 勒 , 阿 女 問 我 , 排 餐 死 睇 一 陣 間 抵 唔 抵 , 我 梗 係 話 抵 啦 , 直 頭 好 似 以 前 見 皇 帝 咁 囉 , 係 睇 排 場 呀 !

珍   嬸

 

 


回到主頁 回到前一頁