2005 年 一 月

第 329 期

專 題 安老服務消息 眾言堂 生活小品 松柏延年 綜 合 

    阿 女 至 孝 順 , 知 我 迷 任 姐 , 話 我 聽 有 個 粵 劇 日 , 免 費 講 座 又 有 短 片 睇 。 早 先 電 視 睇 鍾 景 輝 介 紹 , 任 白 雛 鳳 連 六 一 八 水 災 演 唱 睇 完 都 未 過 夠 癮 , 山 長 水 遠 去 電 影 資 料 館 都 好 啦 。

    咁 先 睇 展 覽 , 好 似 以 前 戲 院 大 堂 睇 劇 照 。 嘩 , 又 男 又 女 又 古 又 今 扮 相 都 齊 , 睇 到 痴 痴 迷 迷 。 到 未 聽 講 座 先 睇 輯 錄 片 段 , 好 多 都 係 戲 肉 , 百 看 不 厭 , 還 加 了 好 多 舊 時 香 港 : 火 車 站 呀 、 匯 豐 銀 行 呀 … …

    聽 後 生 仔 女 講 任 姐 都 幾 得 意 , 唔 識 佢 都 知 佢 好 人 , 一 日 趕 幾 部 戲 所 以 而 家 咁 多 套 戲 有 得 睇 。 個 姐 仔 戲 迷 鬼 咁 肉 緊 , 證 明 任 姐 真 功 夫 , 隔 代 一 樣 仍 然 係 戲 迷 情 人 , 唔 關 話 以 前 女 人 個 個 「 恨 」 做 男 人 所 以 咁 鍾 意 任 姐 。

    聽 佢 講 認 真 離 奇 , 原 來 套 「 大 紅 袍 」 ( 叫 做 殘 本 喎 , 即 係 唔 齊 啦 ) 係 由 美 國 返 來 , 有 個 西 人 執 屋 唔 要 掉 出 街 , 幾 乎 上 了 垃 圾 車 , 到 緊 急 關 頭 有 個 屋 崙 文 化 中 心 的 有 心 人 飛 車 過 金 門 橋 才 搶 救 回 來 。 就 好 似 欽 差 大 臣 及 時 趕 到 刑 場 送 聖 旨 : 大 叫 「 刀 下 留 人 」 !

    大 團 圓 結 局 幾 好 ! 差 點 拆 掉 的 紅 灣 半 島 不 用 拆 , 最 歡 喜 是 隔 離 小 學 的 老 師 同 學 。 起 好 的 屋 沒 人 住 空 蕩 蕩 始 終 唔 好 , 忽 然 話 要 拆 必 然 沙 塵 滾 滾 , 到 起 屋 又 會 嘈 之 巴 閉 。 而 家 做 少 少 裝 修 , 快 快 有 人 入 伙 , 馬 上 有 人 氣 , 夠 熱 鬧 , 多 好 !

    我 阿 珍 唔 識 計 地 產 商 既 數 , 只 知 道 做 人 要 有 衣 食 , 阿 媽 話 , 碗 飯 食 剩 幾 粒 都 會 變 豆 皮 , 千 祈 勿 浪 費 。 起 大 屋 賣 得 好 價 錢 都 係 賺 香 港 人 錢 。 若 果 香 港 人 人 積 陰 德 , 上 天 庇 佑 , 自 然 成 個 香 港 都 好 , 咁 就 唔 駛 一 味 靠 賺 自 己 香 港 人 的 錢 了 , 可 以 賺 外 國 人 的 錢 嘛 !

    所 以 我 又 最 支 持 保 留 古 跡 文 物 。 我 自 己 去 旅 行 都 鍾 意 睇 故 宮 呀 、 祖 廟 啦 。 見 到 舊 火 車 站 諗 起 舊 時 ; 留 返 個 古 老 差 館 同 監 獄 幾 好 x , 懷 舊 有 乜 唔 好 ? , 英 國 佬 管 } 香 港 百 幾 年 , 都 冇 話 唔 講 舊 曆 年 , 做 人 都 係 要 念 舊 好 。 年 卅 晚 的 團 年 飯 食 剩 都 留 番 初 一 食 啦 , 年 年 有 餘 至 會 有 福 蔭 , 保 佑 子 孫 同 萬 事 大 吉 !

 

珍   嬸

 

 


回到主頁 回到前一頁