第 327 期

　 　 聽 見 話 個 新 高 官 叫 一 嶽 ， 細 仔 就 多 口 話 今 年 又 多 條 鱷 ， 同 山 貝 河 嘅 貝 貝 相 輝 映 咁 話 。 老 公 連 隨 考 佢 識 唔 識 寫 個 嶽 字 ， 哈 ， 又 衰 唔 晒 ， 即 刻 唸 唸 有 詞 背 五 嶽 添 ： 東 嶽 泰 山 、 西 嶽 華 山 、 南 嶽 衡 山 、 北 嶽 衡 山 、 中 嶽 嵩 山 ， 外 加 一 句 五 嶽 歸 來 不 看 山 、 黃 山 歸 來 不 觀 嶽 。 

　 　  書 包 拋 得 靚 ， 為 娘 的 都 好 有 光 彩 ， 皆 因 細 仔 學 人 自 助 旅 遊 ， 咪 埋 好 多 資 料 ， 考 試 都 冇 咁 勤 力 。 所 以 古 人 話 ： 行 萬 里 路 ， 好 過 讀 萬 卷 書 。 去 過 的 地 方 始 終 有 印 象 ， 鍾 意 做 的 自 然 就 有 心 機 又 入 腦 。 唔 似 讀 書 就 過 目 即 忘 了 。 

　 　 新 高 官 原 來 同 傷 殘 人 士 好 有 關 係 ， 剛 剛 去 完 個 傷 殘 運 動 會 添 ， 咦 ， 咁 佢 又 好 啱 做 福 利 局 長 噃 。 我 一 向 支 持 弱 者 ， 不 過 又 好 信 弱 者 都 有 能 力 嘅 ， 好 似 斌 仔 咁 ， 含 住 支 筷 子 打 字 都 可 以 寫 出 感 人 文 字 ， 同 杏 林 子 一 樣 ， 一 身 痛 卻 可 以 引 人 笑 。 雖 然 要 人 幫 ， 自 己 更 努 力 ， 還 有 剛 去 世 的 超 人 ， 都 冇 當 自 己 沒 用 ， 唔 會 只 靠 人 幫 ， 還 鼓 勵 他 人 ， 所 以 值 得 敬 佩 。 

　 　 我 記 得 以 前 阿 媽 就 係 咁 樣 教 ： 有 手 有 腳 做 到 冇 乜 巴 閉 ， 少 隻 手 一 樣 做 到 才 叫 做 叻 。 話 時 話 世 上 真 係 有 咁 奇 ， 不 知 幾 多 有 手 有 腳 的 平 平 無 奇 ， 有 些 傷 殘 人 士 反 而 出 人 頭 地 ， 講 到 底 都 係 要 講 自 己 努 力 。 

　 　 原 來 香 港 好 多 傷 殘 運 動 員 好 叻 ， 贏 好 多 獎 返 來 ， 有 個 訪 問 對 象 話 若 非 做 了 傷 殘 運 動 ， 可 能 根 本 不 會 有 機 會 出 國 ， 聽 落 好 似 個 摩 登 版 嘅 「 塞 翁 失 馬 ， 焉 知 非 福 」 ， 塞 翁 嘅 失 馬 帶 第 二 隻 馬 回 來 ， 是 為 由 禍 變 福 。 兒 子 騎 野 馬 墮 馬 受 傷 ， 是 為 福 變 禍 ， 但 因 為 傷 殘 不 用 被 徵 召 入 伍 戰 死 沙 場 ， 是 為 禍 變 福 ， 夠 晒 離 奇 曲 折 。 

　 　 實 在 做 人 真 唔 知 何 時 有 福 何 時 有 禍 ， 遇 到 挫 折 大 可 平 常 心 ， 加 上 找 找 別 人 幫 幫 忙 ， 過 到 艱 難 時 刻 就 可 以 自 己 幫 自 己 了 。 我 阿 珍 雖 然 未 經 歷 過 大 災 難 ， 每 次 遇 難 題 都 記 住 阿 媽 教 嘅 ， 找 人 幫 助 也 自 己 努 力 ， 咁 就 算 天 跌 落 嚟 都 冇 有 怕 ！ 

　

◆ 珍 　 嬸