第 343 期

　 　 年 卅 晚 雨 濛 濛 ， 我 重 以 為 「 乾 冬 濕 年 」 ， 今 年 實 又 要 睇 雨 中 煙 花 ， 點 知 到 初 一 就 大 放 晴 天 ， 好 兆 頭 ， 而 且 夠 晒 暖 ， 後 尾 幾 日 出 街 拜 年 搞 到 一 身 汗 ， 居 然 好 似 熱 一 天 咁 。

　 　 香 港 呢 幾 年 愈 來 愈 暖 ， 記 得 細 個 之 時 十 度 八 度 好 平 常 ， 三 四 度 都 係 照 著 校 服 裙 返 學 ， 後 來 至 話 十 度 以 下 批 准 著 褲 。 哈 ， 依 家 日 頭 有 十 三 四 度 都 話 要 出 寒 冷 警 告 ， 個 個 都 唔 抵 得 冷 ， 少 少 風 都 話 唔 得 。 香 港 人 愈 來 愈 孱 喇 。

　 　 新 十 五 係 元 宵 佳 節 ， 又 係 禮 拜 日 ， 搞 個 幾 萬 人 ^口既 體 育 活 動 本 來 好 開 心 ， 又 有 意 思 。 點 知 話 有 幾 千 人 求 救 ， 重 有 ^口地 跪 低 要 入 院 咁 話 ， 賣 晒 頭 條 鬼 咁 大 件 事 。 實 在 比 賽 唔 同 去 行 街 ， 多 多 少 少 都 令 有 人 損 傷 有 人 唔 舒 服 ^口架 喇 ， 撞 正 天 氣 唔 好 就 賴 話 空 氣 污 染 累 事 ， 真 係 唔 多 公 道 。

　 　 馬 拉 松 我 係 未 跑 過 ， 成 四 十 幾 公 里 唔 係 講 笑 ， 原 來 有 得 過 隧 道 又 跑 大 橋 ， 唔 怪 得 引 到 咁 多 人 參 加 ， 重 話 有 獎 金 ^口忝 。 細 仔 話 佢 有 好 多 朋 友 都 有 去 ， 佢 唔 得 閒 練 所 以 冇 去 ， 我 話 咁 就 精 喇 ， 點 可 以 不 自 量 力 ， 空 槍 上 陣 呢 ？ 實 在 我 亦 唔 係 好 贊 成 咁 多 人 去 一 齊 比 賽 ^口既 ， 運 動 健 身 就 已 經 夠 晒 好 ， 鬥 得 太 過 交 關 就 容 易 變 得 劇 烈 ， 尤 其 是 上 ^口左 年 紀 ， 千 祈 咪 制 ， 一 唔 小 心 搞 到 心 臟 病 發 都 有 之 ！

◆ 珍 　 嬸