2006 年 一 月

第 341 期

專 題 安老服務消息 眾言堂 生活小品 松柏延年 綜 合 

    眨 下 眼 已 經 到 年 尾 , 雞 年 就 快 過 去 到 狗 年 。 記 得 年 頭 已 經 聽 見 東 南 亞 話 好 多 禽 流 感 , 一 時 在 越 南 、 一 時 在 柬 埔 寨 , 咁 冇 幾 耐 在 祖 國 出 完 一 單 又 一 單 , 於 是 人 人 都 好 緊 張 話 唔 知 會 唔 會 爆 得 成 禽 流 感 變 大 流 感 : 雞 年 發 到 正 嘛 。 不 過 嘈 黎 嘈 去 又 好 似 發 唔 成 。

    你 問 我 驚 唔 驚 禽 流 感 。 唉 ! 做 人 既 野 , 驚 還 驚 , 最 緊 要 係 識 得 防 備 , 同 埋 打 到 黎 識 得 點 做 。 阿 媽 成 日 教 : 千 祈 咪 生 人 唔 生 膽 , 鬼 未 黎 到 就 自 己 先 嚇 死 。 又 係 既 , 我 地 做 慣 雞 也母 哺 仔 , 有 乜 難 先 諗 仔 女 , 重 邊 得 閒 驚 !

    話 時 話 , 政 府 日 日 教 , 乜 都 識 啦 : 唔 好 搞 雞 、 經 常 洗 手 、 買 定 口 罩 , 同 埋 均 衡 飲 食 、 適 量 運 動 、 空 氣 流 通 、 唔 好 食 煙 、 夠 目訓 同 埋 少 去 人 多 擠 迫 地 方 嘛 , 由 一 九 九 七 年 第 一 次 禽 流 感 到 今 時 今 日 都 係 咁 教 者 , 冇 乜 新 橋 呀 。

    正 所 謂 世 間 無 新 事 , 做 得 幾 十 年 人 就 明 既 啦 , 一 九 六 八 年 次 , 阿 女 至 幾 歲 大 , 都 發 燒 埋 一 份 
架 , 咁 細 路 仔 個 個 都 係 要 有 頭 暈 身 興 啦 , 收 尾 老 公 都 病 埋 , 我 就 剩 係 少 少 燒 , 唔 知 係 未 掛 得 看 住 人 自 己 就 唔 得 閒 病 呢 ?

    而 家 個 個 鬼 咁 緊 張 , 我 都 覺 得 好 笑 , 又 係 既 。 香 港 地 太 平 盛 世 } 幾 十 年 , 至 巴 閉 話 示 威 遊 行 都 不 過 係 交 通 阻 塞 下 , 少 少 騷 亂 幾 個 鐘 頭 就 玩 完 , 邊 有 暴 動 之 時 周 地 菠 蘿 咁 恐 怖 ? 所 以 我 至 鐘 意 聽 到 我 地 國 家 領 導 人 話 要 有 和 諧 社 會 。 有 乜 意 見 可 以 開 心 見 誠 慢 慢 講 , 千 祈 咪 搞 乜 野 炸 彈 呀 偷 襲 呀 。

    咁 香 港 又 算 做 好 彩 , 未 試 過 峇 里 島 呀 英 國 呀 咁 累 到 無 辜 平 民 受 害 。 唔 , 雞 都 係 比 較 倀 雞 , 咀 又 尖 , 唔 知 明 年 轉 到 狗 年 會 不 會 世 界 和 平 些 ? 話 晒 狗 係 人 類 既 好 朋 友 呀 , 咁 我 阿 珍 趁 年 尾 都 祝 各 位 讀 者 狗 年 旺 相 !

   

珍   嬸

 

 


回到主頁 回到前一頁