2005 年 十 二 月

第 340 期

專 題 安老服務消息 眾言堂 生活小品 松柏延年 綜 合 

    陳 老 編 打 電 話 來 說 < 松 柏 之 聲 > 已 出 版 三 十 年 。 我 話 , 下 ? 乜 咁 耐 拿 , 唔 係 講 笑 係 嗎 。

    細 個 時 話 五 年 為 之 一 輩 , 而 家 唔 知 係 咪 三 年 就 一 輩 呢 ? 咁 三 十 年 大 大 話 話 就 有 六 至 十 輩 人 咁 耐 咯 , 唔 係 少 。 人 地 話 二 十 五 週 年 為 之 銀 禧 , 五 十 週 年 係 金 禧 , 咁 三 十 週 年 係 乜 呢 ?

    阿 女 幫 我 查 左 一 輪 有 答 案 : 係 珍 珠 禧 !

    嘩 , 發 達 咯 , 原 來 同 我 阿 珍 都 有 淵 源 ! 嘻 嘻 , 咁 等 我 黎 寫 番 篇 都 既 。 珍 珠 有 乜 特 別 呢 ?

    唔 , 珍 珠 至 多 學 問 了 。 有 一 次 我 參 加 一 個 講 座 , 係 講 夫 妻 相 處 既 , 佢 話 兩 個 人 一 起 生 活 , 一 定 有 磨 擦 , 各 種 唔 開 心 感 受 就 好 似 走 左 粒 石 仔 入 隻 鞋 , 成 日 整 到 腳 痛 。 之 不 過 蚌 就 好 叻 既 , 佢 將 走 左 入 佢 隻 觳 既 石 仔 用 一 層 又 一 層 既 分 泌 包 住 , 咁 終 於 粒 石 仔 既 尖 角 全 部 冇 晒 , 唔 單 止 唔 再 痛 , 重 多 左 粒 好 珍 貴 既 珠 添 。 各 位 讀 者 , 你 話 呢 個 譬 喻 係 咪 好 感 人 呢 !

    不 過 重 未 完 。 拿 , 係 珍 珠 裡 面 既 石 仔 係 唔 開 心 既 感 受 講 勒 , 咁 分 泌 又 係 乜 呢 ? 咁 就 各 師 各 法 了 。 有 人 話 愛 , 有 人 話 諒 解 , 有 人 話 係 失 憶 , 有 人 話 麻 木 , 有 人 話 溝 通 同 道 歉 , 重 有 人 話 係 禮 物 , 烹 飪 技 術 ; 重 有 係 顧 全 大 局 , 即 係 睇 住 仔 女 份 上 囉 。

    我 諗 其 實 每 對 夫 婦 如 果 能 夠 守 到 三 十 年 慶 祝 珍 珠 婚 , 一 定 經 歷 過 好 多 , 冇 颱 風 都 怕 有 落 雨 卦 ! 點 會 一 帆 風 順 咁 平 淡 ? 一 定 大 家 都 有 份 令 石 仔 變 珍 珠 既 。

    其 實 唔 單 止 夫 妻 , 朋 友 能 識 到 三 十 年 都 唔 簡 單 , 正 所 謂 有 緣 份 才 能 結 識 到 , 所 以 一 定 要 珍 惜 !

    咁 大 家 一 定 要 珍 惜 呢 份 已 經 出 左 世 三 十 年 既 「 松 柏 之 聲 」 , 祝 佢 萬 壽 無 疆 !

   

珍   嬸

 

 


回到主頁 回到前一頁