2005 年 三 月

第 331 期

專 題 安老服務消息 眾言堂 生活小品 松柏延年 綜 合 

    記 得 九 七 回 歸 試 過 花 車 撞 死 遊 客 , 沙 士 年 車 公 廟 又 抽 到 下 簽 。 所 以 過 年 前 後 都 有 點 緊 張 , 不 知 今 年 又 會 唔 會 有 唔 好 兆 頭 之 事 。

    咁 雞 同 吉 字 音 差 不 多 , 普 通 話 就 一 樣 , 雞 年 應 該 吉 吉 利 利 呀 ! 雖 然 話 年 尾 忽 然 爆 出 隻 紅 火 蟻 , 搞 到 年 花 都 遲 到 , 咁 都 係 紅 呀 , 配 合 意 頭 。

    不 過 聽 到 話 棵 許 願 樹 受 重 傷 , 就 真 個 唔 開 心 了 。 幾 百 年 的 老 樹 , 日 日 伸 長 樹 臂 讓 人 好 遮 蔭 已 經 勞 苦 功 高 了 , 變 成 許 願 樹 又 更 加 造 福 世 人 , 我 阿 媽 教 落 , 所 有 神 靈 土 地 都 係 保 佑 人 的 , 信 不 信 還 是 次 要 , 最 緊 要 是 拜 完 心 安 。

    咁 我 都 去 睇 過 許 願 樹 , 閒 日 唔 算 多 人 , 都 已 經 掛 滿 寶 牒 同 大 橙 , 見 到 佢 都 好 辛 苦 。 如 今 冇 大 風 冇 雷 劈 , 忽 然 斷 , 梗 係 積 勞 成 疾 , 終 於 出 事 。

    唉 , 拜 神 許 願 為 求 心 安 , 都 唔 應 該 難 為 棵 樹 , 我 見 黃 大 仙 都 有 新 規 矩 , 唔 准 帶 香 入 廟 , 香 爐 特 別 大 夠 插 香 , 又 不 時 理 。 照 計 寶 牒 即 是 香 唧 , 許 完 願 就 清 走 , 唔 好 話 由 朝 掛 到 夜 晚 黑 , 一 年 三 百 六 十 五 日 , 咁 棵 樹 都 會 長 命 點 ?

    我 同 阿 仔 講 : 做 人 都 係 一 樣 , 千 祈 咪 話 由 朝 到 晚 唔 停 , 夜 一 夜 都 唔 , 後 生 以 為 捱 得 , 放 工 仲 要 去 癲 , 積 勞 成 疾 就 會 出 事 。

    老 公 都 係 一 樣 咋 , 周 時 又 話 睇 波 又 話 同 老 友 打 麻 雀 , 幾 十 歲 人 仲 周 身 癮 , 睇 w 又 捱 得 幾 耐 。 計 我 話 , 好 似 師 奶 做 咁 , 做 一 陣 停 一 陣 , 抖 順 條 氣 慢 慢 來 , 咁 至 襟 捱 。 咪 話 乜 一 鼓 作 氣 , 你 估 打 仗 咩 。 大 傷 元 氣 為 求 贏 , 我 至 冇 咁 傻 。 我 阿 珍 一 於 要 活 到 九 十 歲 , 人 係 肉 做 唔 係 鐵 打 , 我 唔 會 糟 質 自 己 , 至 緊 要 識 保 養 , 咁 腰 骨 痛 、 膝 頭 痛 都 會 少 點 , 有 健 康 就 自 然 福 壽 全 !

 

珍   嬸

 

 


回到主頁 回到前一頁