2004 年 九 月

第 325 期

專 題 安老服務消息 眾言堂 生活小品 松柏延年 綜 合 

       查 實 香 港 人 都 好 好 人 , 好 有 愛 心 。 明 明 是 兇 惡 的 食 人 鱷 魚 , 竟 然 萬 千 寵 愛 在 一 身 , 還 千 揀 萬 揀 , 選 中 了 「 貝 貝 」 做 名 字 , 即 是 山 貝 河 之 寶 貝 啦 , 而 楊 局 長 一 辭 職 , 就 即 刻 民 望 升 , 分 明 是 同 情 分 。

    我 阿 媽 話 : 好 心 不 是 望 好 報 , 最 緊 要 是 過 得 人 又 過 得 自 己 。 實 在 個 人 寬 懷 , 就 自 然 開 開 心 心 , 少 許 多 煩 惱 , 自 然 就 長 命 些 , 健 康 些 呀 。 所 以 話 愛 心 唔 怕 多 , 尤 其 是 對 自 家 屋 企 人 。

    我 阿 珍 直 腸 直 肚 , 有 乜 講 乜 , 絕 對 唔 會 鬱 住 , 老 公 話 我 炮 仗 頸 , 之 不 過 又 冇 隔 夜 仇 , 講 完 就 算 , 鬧 完 就 已 經 有 彩 , 無 謂 再 嬲 啦 , 所 以 包 好 。 老 實 講 , 為 不 開 心 的 事 嬲 親 自 己 , 好 蝕 底 ! 分 分 鐘 還 會 鬱 個 癌 症 出 來 !

    不 知 是 否 香 港 人 太 多 悶 氣 鬱 住 , 所 以 這 麼 多 高 官 同 議 員 生 癌 呢 ? 無 端 端 有 些 細 胞 不 做 良 民 , 要 自 我 膨 脹 , 佔 據 正 常 器 官 的 位 置 , 阻 住 地 球 轉 , 還 會 四 處 走 … … 癌 症 真 可 怕 。

    好 在 醫 療 更 威 , 割 清 就 冇 事 。 只 怕 生 了 癌 在 身 體 G 面 唔 知 , 好 似 心 事 咁 , 愈 鬱 愈 大 , 到 發 作 就 不 得 了 。 有 個 親 戚 就 是 到 肚 脹 才 知 是 肝 癌 , 都 冇 得 割 了 。

    所 以 平 時 留 意 身 體 變 化 都 好 緊 要 。 胸 有 冇 硬 塊 呀 、 大 便 有 冇 改 變 呀 、 行 埋 有 冇 出 血 呀 、 有 冇 無 端 端 瘦 呀 、 咳 極 都 唔 好 呀 … …   聽 埋 聽 埋 , 我 都 知 道 各 種 癌 症 的 早 期 病 徵 了 , 雖 然 都 係 冇 乜 特 別 , 但 小 心 警 愓 唔 拖 延 , 及 早 去 醫 就 一 定 冇 錯 。

    就 好 似 有 乜 唔 開 心 , 都 係 要 早 早 處 理 , 嬲 了 人 要 講 出 來 , 或 許 查 實 係 冇 無 謂 嬲 呢 , 千 祈 唔 好 好 似 大 戲 戲 文 , 要 隔 代 才 誤 會 冰 釋 , 沉 冤 得 雪 。 戲 就 話 好 睇 , 做 人 係 咁 就 慘 了 。

    正 所 謂 : 病 要 淺 中 醫 、 心 結 要 早 解 開 呀 !
 

珍   嬸

 

 


回到主頁 回到前一頁