阿伯你好嘢
* 胡昌明 | 2010年06月
「阿伯早晨，又係去買早餐？」樂嬸例牌招呼一聲。「乜咁早去買餸？」阿伯隨口回應，走了。
阿伯今年七十八，隻右腳唔係咁好，原因退化，冇得醫，帶著早餐匆匆回到家裡，等兩個孫兒吃了，再送他們去上校車。「咁鬼遲架？」大嫂滿面怒容隨口責罵。「預咗啦」，阿伯心想，冇出聲，「洗乾淨對手先至俾嘢佢地食呀」，大嫂嚴肅地提醒著，「妳估我痲瘋既咩，唉！」還是匆匆地洗了手冇出聲。
「昨晚有啲食剩既麵包，你食埋佢啦，我去晨運囉，記得拖地呀。」她非常關懷地說，輕快地出門去了。
唉！阿伯每個月連生果金也給了她幫補家用，他無怨無悔，只要活著。病了嗎？有以前食剩的藥丸，「這是命運」，他心想，路，還是一樣走下去。
「阿伯，唉！見你日做夜做，冇句怨言？」樂嬸關懷地問。「有乜好怨，有好多重慘。」阿伯淡淡地說，「有好多七八十歲得半條人命，推住架木頭車執紙皮，重有好多病到周身痛苦又唔死得，我已經好好彩！」阿伯大聲地說。
「你真係太知足喇。」樂嬸笑著說。
「有些時候我見到啲孫兒天真活潑，我都真係好開心架！」說到這裡，阿伯蒼老的臉上，露出愉快的笑容。
|
|