2007 年 十 二 月

第 364 期

專 題 安老服務消息 眾言堂 生活小品 松柏延年 綜 合 

    細 個 之 時 好 恨 過 節 , 新 年 就 最 巴 閉 。 中 秋 節 都 幾 好 , 有 月 餅 食 , 端 午 節 就 更 加 歡 迎 , 又 有 粽 又 有 扒 龍 舟 , 反 而 聖 誕 節 冇 乜 所 謂 , 至 多 話 送 下 聖 誕 咭 。 兒 童 節 就 更 加 冇 意 思 , 又 冇 假 放 , 又 冇 應 節 食 品 , 阿 媽 更 加 唔 會 有 禮 物 送 。

    而 家 唔 再 係 兒 童 , 香 港 節 日 又 轉 } 好 多 , 好 似 浴 佛 節 啦 、 萬 聖 節 啦 。 不 過 長 者 日 又 唔 係 叫 做 長 者 節 番 , 而 且 唔 會 好 似 母 親 節 父 親 節 咁 樣 令 茶 樓 逼 爆 。 唔 知 改 名 做 祖 父 祖 母 節 會 唔 會 好 呢 ?

    今 日 睇 報 紙 見 到 段 新 聞 話 十 一 月 十 一 號 係 光 棍 節 , 等 未 結 婚 既 大 家 可 以 齊 齊 慶 祝 喎 , 不 過 唔 係 想 歌 頌 做 寡 佬 幾 開 心 , 而 係 想 搞 下 活 動 , 希 望 從 此 拉 埋 天 窗 , 不 再 形 單 隻 影 。 哈 , 又 好 有 意 思 番 。 十 一 月 十 一 號 係 四 個 孤 單 既 一 字 , 若 果 拍 拖 成 功 , 不 如 係 十 二 月 十 二 號 慶 祝 , 代 表 一 字 變 一 雙 , 從 此 兩 個 一 字 變 兩 雙 都 幾 開 心 。

    香 港 地 而 家 後 生 仔 後 生 女 , 愈 來 愈 忙 唔 得 閒 搵 對 象 , 可 能 真 係 要 搵 多 的 媒 人 幫 手 揸 把 大 葵 扇 撥 下 , 等 佢 地 容 易 的 拍 成 拖 。 既 然 萬 聖 節 活 動 都 可 以 咁 成 功 聚 到 咁 多 人 , 光 棍 節 搞 番 類 似 活 動 應 該 都 會 得 卦 。 幫 人 締 結 良 緣 , 真 係 功 德 無 量 架 !

珍   嬸

 

 


回到主頁 回到前一頁