2007 年 十 一 月

第 363 期

專 題 安老服務消息 眾言堂 生活小品 松柏延年 綜 合 

    個 個 都 話 廿 一 世 紀 屬 於 女 人 。 阿 珍 係 女 人 , 見 到 女 人 威 就 最 開 心 。 好 似 立 法 會 , 男 人 多 過 女 人 , 但 係 主 席 就 係 女 士 , 話 知 你 長 毛 係 出 面 「 也 文 也 武 」 , 入 到 黎 就 要 守 規 矩 , 要 有 禮 貌 , 唔 准 亂 嘈 , 咁 先 至 係 尊 重 民 主 識 會 , 唔 係 就 要 鬧 , 主 席 執 得 正 , 做 得 , 有 原 則 , 硬 朗 作 風 重 叻 過 男 人 。

    忽 然 立 法 會 少 左 個 男 士 , 走 左 兩 位 女 士 出 來 競 選 又 夠 晒 精 彩 , 話 就 話 係 兩 大 陣 營 , 查 實 兩 位 女 士 都 係 前 公 務 員 , 即 係 好 似 睇 奧 運 短 跑 , 呢 個 係 加 拿 大 選 手 , 個 係 美 國 選 手 , 實 在 兩 個 都 係 手 長 腳 長 既 黑 人 , 係 佢 地 至 跑 得 嘛 ! 所 以 係 未 話 女 人 世 界 呢 , 邊 個 贏 都 係 同 女 人 爭 光 !

    不 過 鬧 女 人 既 亦 都 係 女 人 , 陳 太 遊 行 到 一 半 去 恤 髮 畀 個 師 奶 搏 命 鬧 , 真 陰 功 ! 唔 通 民 主 就 一 定 要 行 到 腳 軟 為 止 先 至 算 ? 身 水 身 汗 就 要 沖 番 個 涼 洗 番 個 頭 架 啦 。 之 不 過 而 家 的 人 好 似 唔 多 興 恤 髮 了 , 以 前 去 飲 第 一 件 事 就 係 去 恤 髮 , 重 要 著 番 件 靚 靚 飲 衫 。 而 家 日 日 都 著 得 靚 , 反 而 有 的 後 生 著 條 牛 仔 褲 去 飲 , 講 真 唔 係 幾 好 禮 貌 , 話 晒 人 地 擺 酒 冇 乜 幾 可 , 做 客 人 梗 係 正 經 的 至 架 嘛 。

    而 且 , 恤 番 個 頭 , 精 神 的 , 自 己 都 開 心 點 啦 。 所 以 我 支 持 恤 髮 !

珍   嬸

 

 


回到主頁 回到前一頁