2007 年 三 月

第 355 期

專 題 安老服務消息 眾言堂 生活小品 松柏延年 綜 合 

    細 個 之 時 已 經 知 道 中 國 人 同 豬 係 唔 可 以 分 開 既 , 個 蓋 下 面 有 隻 豬 先 至 算 做 家 , 女 仔 嫁 人 又 一 定 要 有 燒 豬 先 至 算 數 !

    所 以 咪 話 豬 年 係 十 二 生 肖 尾 , 實 在 係 大 軸 架 ! 好 似 睇 大 戲 , 排 到 最 後 出 場 既 折 子 戲 梗 係 由 大 老 倌 做 啦 , 以 前 東 華 籌 款 晚 會 要 等 到 兩 點 至 有 得 睇 新 馬 仔 架 !

    咁 生 意 人 都 好 聰 明 , 今 年 既 揮 春 猛 講 家 肥 屋 潤 , 連 個 福 字 G 面 既 田 字 都 寫 左 個 豬 鼻 , 鬼 咁 得 意 。 實 在 肥 豬 仔 好 可 愛 , 以 前 錢 罌 都 係 豬 仔 啦 。

    我 就 最 反 感 後 生 仔 笑 女 仔 係 豬 扒 , 搞 到 豬 扒 變 成 衰 野 。 想 當 年 , 剩 係 過 年 過 節 至 有 大 舊 肉 食 咋 ! 家 下 肥 少 少 就 會 畀 人 笑 , 個 個 女 仔 一 味 話 要 減 肥 , 鬼 咁 大 壓 力 , 不 知 幾 無 謂 又 唔 健 康 , 同 埋 又 唔 知 點 解 人 人 當 豬 油 同 肥 豬 肉 係 毒 葯 , 的 咁 多 都 話 唔 食 得 。 唔 係 叫 你 餐 餐 豬 油 撈 飯 x 嗎 , 諗 起 上 黎 真 係 唔 公 道 , 番 鬼 佬 牛 油 做 既 乜 野 西 餅 、 忌 廉 蛋 糕 就 好 地 地 猛 食 , 臘 腸 少 少 肥 豬 肉 就 唔 肯 食 , 重 唔 認 係 崇 洋 ? 有 一 日 我 睇 報 紙 話 人 造 牛 油 既 乜 野 反 脂 肪 重 好 鬼 大 害 添 。 所 以 我 同 細 仔 講 , 咪 剩 係 鬧 阿 媽 煮 有 肥 豬 肉 呱 呱 嘈 , 應 該 一 視 同 仁 , 所 有 動 物 油 都 食 少 點 至 岩 , 話 到 尾 , 中 國 人 都 係 食 豬 肉 為 主 既 , 我 阿 珍 一 定 支 持 豬 !

珍   嬸

 

 


回到主頁 回到前一頁