2004 年 十 二 月

第 328 期

專 題 安老服務消息 眾言堂 生活小品 松柏延年 綜 合 

    師 奶 對 於 食 物 新 聞 最 敏 感 。 早 十 年 八 年 前 成 日 有 毒 菜 , 政 府 教 要 浸 菜 , 我 到 今 時 今 日 都 照 做 , 小 心 駛 得 萬 年 船 嘛 。 阿 女 話 浸 完 會 少 了 維 他 命 C , 我 說 : 食 個 橙 就 補 番 喇 ! 還 有 是 奇 異 果 , 百 萬 富 翁 教 的 : 奇 異 果 的 維 他 命 C 含 量 最 高 ! 咪 笑 師 奶 冇 知 識 。

    之 不 過 無 良 商 人 原 來 認 真 多 , 假 奶 粉 最 可 怕 , 好 在 唔 關 我 事 , 我 一 對 乖 仔 乖 女 都 是 食 人 奶 , 到 大 個 都 只 是 食 煉 奶 冇 食 過 奶 粉 。 但 係 還 有 假 豉 油 、 假 酒 , 有 些 就 加 送 毒 藥 , 好 似 龍 眼 贈 硫 黃 、 開 心 果 送 漂 白 劑 , 月 餅 是 隔 年 , 全 部 都 冇 陰 功 。

    最 近 聽 說 連 黃 花 魚 和 番 薯 都 是 染 色 的 。 唉 , 人 老 了 就 話 要 白 髮 染 黑 , 後 生 仔 染 髮 我 都 不 以 為 然 了 , 連 食 物 都 要 化 ? 聽 到 人 話 蝦 米 鮮 色 是 染 的 , 搞 到 現 時 買 甚 麼 都 要 左 看 右 看 色 水 自 不 自 然 , 真 是 會 令 人 煩 惱 。

    老 公 說 一 日 都 係 你 地 班 師 奶 貪 靚 , 又 話 要 色 水 好 睇 才 買 , 所 以 咪 要 迎 合 來 染 色 囉 , 我 說 新 鮮 樣 是 不 同 的 , 分 明 是 用 次 貨 來 扮 靚 貨 , 騙 人 兼 害 人 , 居 然 賴 顧 客 ? 就 等 於 報 紙 猛 將 新 聞 作 大 , 個 個 標 題 雞 也母 咁 大 , 死 人 就 血 淋 淋 影 晒 出 來 , 還 說 讀 者 要 看 ? 自 己 沒 道 德 才 真 !

    而 家 揀 報 紙 看 , 但 又 不 可 以 不 看 , 只 看 電 視 和 聽 收 音 機 怕 漏 了 消 息 。 好 似 話 食 珊 瑚 魚 有 雪 卡 毒 , 都 係 呢 十 年 八 年 才 有 , 往 時 那 裡 有 聽 過 食 完 魚 會 麻 痺 ?

    皆 因 為 了 錢 , 打 魚 的 明 知 珊 瑚 區 大 魚 有 毒 都 照 捉 , 食 完 就 出 事 。

    所 以 做 聰 明 食 家 , 就 要 常 聽 新 聞 , 了 解 時 事 , 單 靠 以 前 阿 媽 教 一 定 不 夠 , 誰 知 無 良 商 人 又 會 想 出 什 麼 招 數 來 促 銷 呢 ?

 

珍   嬸

 

 


回到主頁 回到前一頁