2003 年 七 月

第 311 期

專 題 安老服務消息 眾言堂 生活小品 松柏延年 綜 合 

    以 前 大 戲 有 戲 文 話 : 十 年 一 覺 揚 州 夢 , 古 人 又 話 有 黃 梁 一 夢 。 我 阿 珍 回 想 三 月 到 五 月 , 真 好 像 場 惡 夢 , 日 日 出 街 , 人 人 都 蒙 面 , 搭 車 行 路 都 冇 表 情 , 像 恐 怖 片 一 樣 。 到 五 月 一 路 路 熱 , 跟 住 又 話 世 衛 取 消 旅 游 警 告 。 嘩 , 之 後 個 禮 拜 日 即 刻 放 監 咁 滿 街 人 , 墟 過 母 親 節 。 到 而 家 六 月 猛 落 雨 , 都 冇 五 月 熱 , 但 口 罩 都 唔 見 晒 囉 。 蒙 面 俠 終 於 變 番 正 常 人 , 幾 乎 連 口 罩 係 乜 都 唔 記 得 。 

    不 過 就 時 不 時 重 有 靚 署 長 教 人 洗 手 的 告 白 。 之 前 的 大 頭 短 片 全 部 剩 得 幅 做 背 景 , 最 新 呢 套 有 綠 油 油 的 樹 木 、 草 地 , 最 養 眼 。 見 到 咁 美 麗 的 大 自 然 , 就 會 唔 捨 得 搞 污 糟 , 更 不 會 吐 痰 了 。 最 好 繼 續 出 多 些 香 港 風 景 做 背 景 的 短 片 , 食 飯 時 見 到 都 賞 心 悅 目 , 好 過 猛 影 坑 渠 的 新 聞 。 

    表 嫂 專 情 從 澳 洲 打 了 幾 次 電 話 來 , 睇 睇 埋 埋 咁 多 蒙 面 高 官 講 話 香 港 新 聞 有 時 係 會 擔 心 的 , 連 阿 女 以 前 個 書 友 移 民 十 幾 年 冇 乜 消 息 都 忽 然 打 來 問 候 電 話 。 所 以 專 家 話 有 危 難 會 有 真 情 係 有 道 理 的 , 我 見 人 人 話 老 人 高 危 自 己 都 忍 唔 住 要 打 電 話 問 候 三 婆 啦 , 希 望 從 此 人 人 都 多 多 和 氣 少 少 爭 拗 就 天 下 太 平 了 。 

    表 嫂 話 香 港 好 過 大 陸 又 好 過 台 灣 , 冇 人 做 逃 兵 。 我 話 但 係 講 到 污 糟 就 一 擔擔 有 得 揮 呀 ! 淘 大 唔 在 講 , 見 到 瀝 源 村 都 心 啦 , 記 得 廿 幾 年 前 路 家 敏 做 「 小 時 候 」 之 時 瀝 源 村 係 示 範 單 位 架 ! 而 家 好 似 歷 盡 滄 桑 咁 , 聽 講 話 有 D 個 案 話 係 環 境 污 染 惹 開 添 。 

    唉 , 衛 生 署 都 話 衛 生 最 緊 要 咯 , 但 而 家 好 似 老 不 如 幼 。 我 乖 孫 最 識 得 愛 乾 淨 , 洗 遲 一 陣 手 都 發 脾 氣 , 重 會 得 提 阿 公 食 完 煙 痰 上 頸 時 唔 好 亂 咁 吐 。 我 同 老 公 講 : 身 為 長 輩 未 以 身 作 則 教 人 , 反 而 要 後 輩 提 點 已 經 夠 醜 怪 了 。 不 過 如 果 香 港 衛 生 防 線 守 得 唔 緊 , 沙 士 回 頭 , 到 時 還 會 變 成 香 港 罪 人 呀 ! 


珍   嬸

 

 


回到主頁 回到前一頁